شوفوا كيف الاب بحكي مع ابنه

موضوع: شوفوا كيف الاب بحكي مع ابنه 11/3/2008, 10:30

الأب :يا فلان
الابن و بكل براءة :نعم
الأب:نعامة ترفصك تعال
الابن:ليش شو سويت؟
الأب: سواك ضريب يخلع رقبتك
الابن:شو فيه؟
الام :شاوي يشوي عضمك رد على ابوك زي العالم لمحترمه
الابن :هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم:يحضروا على قبرك لما ابوك يحكي انت بتخرس
الابن:أخرس؟
الأب:ايوه ان شالله خرسه
الابن:ماشي
الأم:اجاك مشش بركبك ما تقوم منه
الابن :شو هاد مشش؟؟
الأب:اما انك قليل حيا و بترد بتم امك هات العصاي و تعال
الابن:انا رديت على امي؟ماما احكي كلمه
الأم:موا يمزعك ماما ...حكيتلك اخرس
الابن هون غلب على امره و سكت
الأب:أما جيل قليل حيا...احكي ولك مالك انخرست انشالله خرسه بابا اه
الابن:شو احكي؟ اذا حكيت بتشوفوا كلامي غلط
الأب:ليش عمي شايفنا و لا حول؟
الابن:لا اله الا الله
الأم : الله ياخدك ماما يا ريتني خلفت ابن جيراننا و لا خلفتك
الأب:انا مش عارف هاد الولد متى بده يصير رجال في القعده دايما فاضحني وين
ما أروح
الابن:طيب شو اعمل هلأ مشان تشوفني رجال؟
الأب:ان شالله ما تطيب اخرس
الابن:يا ربيييييييييي خلاص عاد ممكن
اروح على غرفتي؟ ليش ناديتوني؟
الأم:اه صحيح انت ليش ناديت عالولد؟
الأب :بتصدقي يا مرة....نسيت مش عارف خلاص

ههههههههههههههههههههههههههههههههههه
يما لو ابوي هاذ قتلتو قتل موت مني من كلمة تعال اقلك بنجن
كيف لو يقلي اشي ثاني يا حبيبي
شكرا على موضوعك
بس بتعرفي كيف الام بتحكي مع بنتها

ههههههههههههههه

مشكورة عاشقة على الموضوع

هههههههههههههههههههههههههههههه

مشكورة اختي عاشقة فلسطين على الموضوع الحلو

مشكورين اخواني مجنون ايهاب وربيع الغرام وابن فلسطين على المرور الحلو

تحياتي لكم

» حماس تنعى سعيد صيام الذي استشهد مع ابنه وشقيقه بغارة على منزل بغزة
» تجهيز سيارة على شكل بطيخة .. حتى شوفوا
» شوفوا براءة الاطفال حسب الجنسية
» بنت رسبت في الثانويه تعالوا شوفوا ايش عملت
» اغرب غزال في جورجيا بالولايات المتحدة ! شوفوا ...