صورة ثلاثية الأبعاد (واقعية) بدون نظارات خاصة

صورة ثلاثية الأبعاد (واقعية) بدون نظارات خاصة

بس لازم تشوصو عيونكم أو بالحموي تزوطو أو بالفصحى عكس تحولو أو بالانجليزي كروس أي
يعن تعملو هيك :


ضلو حركو عيونكم لحتى تطبق علبتين الاكسترا فوق بعض مثلا
و وقتها حتشوفو الصورة كأنها واقعية و ليست صورة و الأجسام نافرة منها
اذا ما زبطت حاولو تبعدو شوي عن الشاشة بتصير اسهل

طبعا السر هون بسيط :
لما بنطلع على شغلة بالعينتين بتكون كل عين عم تنظر الها من زاوية مختلفة ولو شي بسيط عن زاوية النظر للعين التانية
فيكم تفهمو القصد عن طريق وضع كائن قريب من عيونكم مثلا اصبعكم و النظر إليه من العينين بالتناوب و رح تلاحظو أنو كل عين بتشوف من زاوية مختلفة
و عشان تعملو صور ثلاثية الأبعاد فيكم تصورو أي شي و يفضل يكون فيه تمايز (أجسام أبعد من أجسام) و بعد ما تصورو تزيحو الكاميرا او الموبايل شوي و ترجعو تصورو .


هاد المبدأ اللي عم بحاولو عليه العلماء صنع نظارات مزودة كل عين بشاشة من زواية مختلفة شوي لكن المشكلة هون انو طالما نظارة فلازم تكون الشاشة قريبة من العين و اذا كانت قريبة ما رح تقدر العين تركز عليها و حتى لما بعدوها 15 سنت عن العين ضلت مرهقة و صار مجال الرؤيا صغير لانو الشاشة حتكون صغيرة

لهيك فكرة النظارة المزودة بشاشات كلها فكرة خيالية و ما بتصير

للمعلومية في مبدأ تاني و هو نظارات احدى العدسات بتحجب بعض الأشعة الضوئية و ببثو عالشاشة الصورة بنظامين اشعة مختلفين و طبعا نفس المبدأ كل صورة من زاوية مختلفة و هيك بتشوفو ثلاثي الابعاد عالتلفزيون العادي و في محطة عالنايل سات اسمها سيليفيجن بتبث طبيعة 24 ساعة